ശൂന്യതയുടെചുഴലിനൃത്തം / The Legend of Martyr Sufi’s

ശൂന്യതയുടെ ചുഴലിനൃത്തം

[ The Legend of Martyr Sufi’s ]

ഉദയശങ്കർ

എസ്‌താർ റൂമിയോട് ചോദിച്ചു: “ദൈവം കാത്ത് നിൽപ്പുണ്ടോ”

” ഉണ്ട് ,സ്റ്റഫ് ചെയ്‌ത വിരഹത്തിൻ്റെ നിഴലുണ്ട്.”

ശൂന്യതയുടെ ചുഴലി നൃത്തത്തിൽ ഒമ്പത് സുഫി പരിവ്രാജകർ ബലിയർപ്പിക്കപ്പെട്ടു. ആ കാൽപ്പാടുകൾ പിൻതുടർന്ന അവധൂതരും നിർദ്ദയം അടക്കം ചെയ്‌തു. പക്ഷേ ആ ഉടലുകൾ ജീർണ്ണിയ്ക്കുന്നില്ല. ഈ വായുവിൽ അവർ മൊഴിമാറ്റിക്കൊണ്ടേയിരുന്നു.

മൗനത്തിൻ്റെ അപരാഹ്നങ്ങളിൽ. ഒന്നുമില്ലായ്‌മയുടെ ഇരുളിൽ. ഏകാന്തതയുടെ ചൂളയിൽ. തിരുമ്പിയ്ക്കാത്ത നക്ഷത്രങ്ങൾ വിടരുന്നുണ്ടായിരുന്നു. ആത്മഗതങ്ങൾക്ക് അണപൊട്ടുന്നുണ്ടായിരുന്നു.

“നിനക്ക് നിന്നെത്തന്നെ ഗുരുവാക്കാം. ആ ഉടൽ അവിടെ സന്നദ്ധമായി കാത്തു നിൽപ്പുണ്ട്.

പ്രകാശം സ്വച്ഛതയാണ്. ശാന്തിയാണ്. നീ തഴുത് തുറക്കുക. അകത്തേയ്ക്ക് പ്രവേശിക്കുക. ഏറ്റവും വിശുദ്ധമായ ഏകത്വത്തിലേയ്ക്ക് നീ വിലയിക്കുക.

ആ പ്രാണൻ നീയാകുന്നു.

നീ ആ പ്രാണനാകുന്നു.

ചുഴലി നൃത്തം തുടങ്ങുകയായി.

അനൽ ഹഖ്

അനൽ ഹഖ്

അനൽ ഹഖ്. ”

Volume – 1&2